鄧兆尊女友們一致負評何太 自爆得到肉體先送禮 奉勸何伯唔好再受訪「成家輸晒」

GIRLAV

《東張西望》報導何伯同何太嘅故事成為全城熱話，網台節目《田豪祖3寶》主持貴花田及曾志豪都有討論，仲搵埋同時有3位女友嘅鄧兆尊一齊傾。何伯自稱亡妻過身後9年冇掂過女人，論經驗左擁右抱嘅兆尊似乎更識得計數，仲奉勸何伯何太唔好再受訪！

鄧兆尊話女友們都一面倒認為何太別有用心，甚至同何太同樣來自內地嘅阿三Nana都睇唔過眼，又話識人係為咗攞身份證，同人結婚再離婚。兆尊表明唔反對何伯再婚，「何伯到咗呢個年紀搵個伴好應該，只係睇錯咗啫」，又認為「一個女仔咁樣衝埋嚟，你自己feel到喇，做咗咁多年人，不過我會睇吓好唔好食，好食再嚟幫襯囉」。

何太現身《東張》時穿金戴銀而備受批評，之後解釋當日大晒行頭係想表達何伯有幾愛佢。兆尊直言何太嗰對龍鳳鈪好犀利，又笑何伯買啲嘢好似佢買嗰啲，原來兆尊都有送過鑽石耳環、戒指俾女友。何伯同何太一齊幾個月已經送咁厚禮，兆尊就話送禮前要有部署，「你越要我越唔畀，你唔要嗰啲我就會畀你」，但係「得到個肉體我就會俾佢」。

禮物以外，何伯本來想打本100萬俾何太做生意，但因為細女拎走戶口儲蓄而作罷。鄧兆尊撐何伯有權咁做「你自己搵返嚟嘅錢，就算去澳門一鋪過買100萬都得呀，自己搵呀嘛！使得快定使得慢都係冇分別」。

不過似乎兆尊最肉緊係建議何伯伉儷唔好再接受《東張》訪問，「你哋唔夠TVB玩架，連續劇做足半年就無謂啦」。主持問兆尊TVB會唔會死咬呢個話題，做過TVB又試過家中爭產成為城中話題嘅兆尊睇得好通透「梗係死咬啦，而家先講緊買嘢，下集就講公屋，逐集同你慢慢玩。一個話題可以玩一個禮拜，成個半年都係何伯啦！福祿壽都扮啦！」，奉勸何伯夫婦「睇嘢清晰啲」、「對成家人嚟講係輸晒」，又預計何伯仔女唔會出場。兆尊提到何伯嘅訪問明顯有鋪排，「睇啲鏡頭都知，講講吓嘢影吓隻手、摸大髀，已經將話題攞定俾你，導演已經叫攝影師影邊度邊度，落咗Order要做啲咩」﹔另一段何伯話「即使娶第個女人，仔女一樣反對」，兆尊就估計呢句話有綵排過。

LasCases

個人經驗之談。