網民成立「何伯何太關注組」1日吸萬三人加入疑似何伯派人勒令刪除被恥笑︰有錢請律師咩？

GIRLAV · 發表於 2024-5-10 14:09:54

登入後,內容更豐富

您需要登錄才可以下載或查看，沒有賬號？註冊

×

《東張西望》早前報導76歲嘅何伯同43歲內地女子閃婚後，本來想聽從新婚太太指示拎100萬出嚟搞飲食生意，但後來何伯發現細女已經將同老父聯名戶口內嘅450萬提走。報導一出成為本周熱話，唔少人都話何伯差啲成為「提款基2.0」，大讚細女醒目之餘，又對穿金戴銀出鏡嘅何太大有意見。

有網民估計何太一身行頭估計至少值$368,200，又有人爆料聲稱何太近期返回內地避風頭，而有自稱知情人士話何太疑似虛報年齡、結過兩次婚兼有個廿幾歲嘅仔，而且何太喺內地有物業，可能唔符合申請公屋資格。《Yahoo 新聞》就何伯事件向房屋署查詢，房署回覆時表示「已透過不同途徑收集的情報初步掌握有關公屋單位的資料，現正跟進調查」。

「何伯的新娘」成為熱話，有網民直情喺facebook開群組一齊「關注」，開group一日至今已經有1萬3千幾人加入。不過有自稱何伯朋友匿名留言「警告群組所有成員，如有任何人對何先生（何伯）或何太作出不實指控，將構成誹謗」。該名「何伯代表」又命令群組的管理員48小時內刪除關注組，「否則何先生或許採取法律行動，追究法律責任！後果自負！」。此外，「何伯代表」更命令群組所有成員「必須24小時內退出。假如有人轉發、分享以及邀請他人加入群組，何伯同樣會追究法律責任。不過群組管理員似乎未驚過，直接回應「我等收你封律師信」；網友同樣唔怕，留言話細女轉走筆錢之後，何伯而家得返4200蚊身家，唔知可以搵邊啲律師幫手「追究法律責任」。

群組內嘅花生友對「何伯的新娘」各有睇法，有人認為而家何伯由被認為受騙一方大逆轉，甚至話「報《東張》」可能係佢嘅計謀。「而家何伯爽又爽咗，仲入住埋個女人間公屋。啲錢又比個女『處理』哂啦，何伯得返$4200身家，個女人就穿金戴銀全屋名牌，離婚的話邊個分邊個身家都未知。開始懷疑叫個女轉走啲錢、報東張搞大佢，等個女人無得再喺香港搵食，全部都係何伯既陰謀。何伯形勢大好，真正躺贏，男人典範」。網民又認為一旦何太對何伯真心，「無錢都對佢不離不棄仲留低，就證明到係真愛，賺到愛情，點賭都有賺」。又有人為何伯計數，話佢住緊間屋好似係新何太間公屋。「如果離婚，何伯身份係：1）7X歲 2）離婚 3）資產 $4200。完全符合特快上樓嗰條隊」，計落何伯真係冇得輸！